Seanca për çështjen e “Sterilizimit” u shty për në 7 maj në Gjykatën e Posaçme për Korrupsionin dhe Krimin e Organizuar. Në sallë nuk ishte i pranishëm Ilir Beqaj dhe as avokati i tij, Ermal Yzeiraj.
Edhe në seancën e kaluar, avokati i kërkoi gjykatës shtyrje të procesit, me arsyetimin se ishte në një proces tjetër. Ndaj edhe u ndëshkua me gjobë prej 30 mijë lekësh për mungesën e tij.
Lidhur me këtë proces gjyqësor ish-ministri Ilir Beqaj ndodhet nën masën e sigurisë “Detyrim paraqitje”, ndërsa është nën arrest në burg për dosjen SASPAK.
Të pandehurit për çështjen, ish ministri i Shëndetësisë, Ilir Beqaj, ish-zv/ministri i Shëndetësisë, Klodian Rrjepaj dhe biznesmeni Ilir Rrapaj akuzohen për “vjedhje duke shpërdoruar detyrën” dhe “grup i strukturuar kriminal”. Kurse gjashtë të tjerët për akuzat falsifikim dhe shpërdorim detyre.