Në qytetin e Fierit, janë shënuar dy aksidente rrugore këtë pasdite, njëri prej të cilëve ka rezultuar me të plagosur.
Aksidenti i parë ka ndodhur në qendër të qytetit, në zonën e njohur si “Vija e Ngjalës”, ku tre automjete janë përplasur mes tyre. Fatmirësisht, nga kjo përplasje nuk ka pasur të lënduar, por vetëm dëme materiale.
Ndërsa në një tjetër ngjarje, dy automjete janë përplasur, duke shkaktuar lëndimin e një personi, i cili është transportuar menjëherë drejt spitalit rajonal të Fierit për ndihmë mjekësore.
Në të dy rastet, policia dhe grupi hetimor ndodhen në vendngjarje dhe po punojnë për zbardhjen e plotë të rrethanave dhe shkaqeve të aksidenteve.