Këngëtari kolumbian Maluma ka mbyllur rrjetin e tij social Instagram vetëm disa orë pasi mori disa sulme për një video.
Në llogarinë e tij me më shumë se 40 milionë ndjekës, ai publikoi një video duke luajtur me një këlysh luani.
Imazhet nuk i pëlqyen disa ndjekësve, të cilët e kritikuan. Maluma i ktheu një përgjigje duke i quajtur injorantë dhe idiotë për reagimet që patën.
“Po lexoja komentet në postimin e fundit që vendosa me një luan, me Mala Mia. Nuk e di, nuk e kuptoj përse njerëzit janë kaq idiotë, njerëz injorantë që mendojnë që është kafsha ime. Ata nuk e kuptojnë se kafsha është aty pasi e kemi shpëtuar. Nuk e kuptojnë që do kishte ngordhur nëse nuk do e kishim shpëtuar”, tha ai duke shtuar se njerëzit e njohin si person që i dashuron kafshët dhe nuk do lejonte kurrë trafikimin e specieve.
Duket se ai është zemëruar aq shumë sa ka vendosur ta mbyllë llogarinë. Ndërkohë nuk ka bërë asnjë reagim tjetër në Tëitter.