Një plagosje me armë zjarri ka ndodhur pak më parë në zonën e Fllakës, në Durrës. B.G, 40-vjeç, ka arritur të shkojë vetë në stacionin e policisë, ku më pas ka kërkuar ndihmën e efektivëve për t’u transportuar në spital.
Ai është dërguar menjëherë në spitalin rajonal të Durrësit, ku aktualisht ndodhet në sallën e operacionit.
Sipas informacioneve paraprake, i plagosuri ishte në lëvizje kur është qëlluar me armë zjarri nga persona ende të paidentifikuar.
Policia ka nisur hetimet për zbardhjen e rrethanave të ngjarjes dhe identifikimin e autorëve.