Këtë të mërkurë, Gjykata e Apelit prishi vendimin ndaj Marjeta Karaj dhe e ktheu çështjen për rigjykim në Shkallën e Parë. Karaj ishte dënuar me 22 vjet burg për akuzën e vrasjes me dashje, një krim i ndodhur në 2017.
Hetimet e prokurorisë konkluduan se gruaja bashkë me djalin dhe një shtetas tjetër kishin vrarë dhe djegur Menduh Kurtdedën. Viktima u dhunua dhe më pas u dogj në zonën e Dajtit për një borxh prej 10 mijë euro. Për këtë krim makabër është në burg edhe Gazmir Ngota i cili ishte dënuar me 22 burg dhe edhe për çështja është kthyer për rigjykim.
Ndërkohë djali i saj Besmir Karaj vazhdon në kërkim. Teksa dosja pritet të zbresë në shkallën e parë avokati Fran Dashi thotë se ”ky vendim është i duhuri sepse shkalla e parë rëndoi pozitat e klientes sime duke e rënduar atë nga vrasje me dashje në vrasje në rrethana rënduese, duke mos na dhënë kohë të përgatitemi për mbrojtjen e re”.