Jeta e një çobani në Lurë është vënë në rrezik pasditen e sotme nga zjarret që kanë pushtuar masivin pyjor Lurë-Zallë Gjoçaj. Emergjencat civile shpëtuan sakaq edhe 400 krerë dhi që mbarështonte çobani nga Gurë Lura, K. Murati.
Rreth orës 17:00, në Pllajë-Lurë, bariu është ndjerë i rrethuar nga zjarret. I shqetësuar për situatën e krijuar ka njoftuar autoritetet vendore dhe ka kërkuar ndihmë urgjente.
Shumë shpejt Forca të Ministrisë së Mbrojtjes, të Bashkisë Dibër, Pyjeve dhe banorë të zonës kanë ndërhyrë me helikopterë, zjarrëfikse dhe mjete rrethanore për të nxjerrë nga izolimi çobanin. Pasi kanë mundësuar një shteg kalimi kanë shpëtuar edhe të imtat.
Pas kësaj ngjarje Prefekti i Qarkut Dibër, Nexhbedin Shehu u ka kërkuar bashkive Dibër, Mat, Bulqizë e Klos t’u kërkojnë blektorëve që ndodhen në male, duke veruar bagëtitë, t’i largojnë ato nga zonat e rrezikuara.
“Për të evituar rreziqet në stanet e bagëtive merrni masa për t’i lëvizur tufat e bagëtive në zona më të sigurta. Sot u desh ndërhyrje e storcuar për të shpëtuar një tufë me 400 dhi dhe çobanin nga Lura, në vendin e quajtur Pllajë-Lurë”, porositi sonte Prefekti katër bashkitë e Qarkut Dibër.