Një aksident ka ndodhur paraditen e së dielës në Kallm të Vogël të Fierit. Një automjet tip “Fuoristradë” ka humbur kontrollin, dhe ka dalë nga rruga duke përfunduar në kanalin anësor.
Policia thotë se si pasojë drejtuesi i mjetit Baftjar Buzi, 60 vjeç ka humbur jetën dhe paraprakisht dyshohet se mund të ketë pësuar atak kardiak. 60-vjeçari është gjetur nga familjarët në anë të rrugës i pajetë në automjet.
“Rreth orës 09:40, në fshatin Kallm i Vogël, është gjetur nga familjarët në anë të rrugës i ndërruar jetë në automjet, shtetasi B. B., 60 vjeç, banues në fshatin Kallm i Vogël.
Ky shtetas dyshohet se ka humbur jetën për shkak të arrestit kardiak. Grupi hetimor po punon për zbardhjen e rrethanave dhe përcaktimin e shkakut të vdekjes.”, njofton policia.