Presidenti amerikan, Donald Trump konfirmon se autori i dyshuar i vrasjes me armë të aktivistit konservator, Charlie Kirk është arrestuar. Sipas tij autori ishte dorëzuar tek autoritetet nga një person i afërt me agresorin. ”Ai që e njohu atë ishte një besimtar, një pastor”, u shpreh Trump.
Autori i dyshuar po merret në pyetje nga hetuesit. Presidenti amerikan tha se shpreson që vrasësi të marrë dënimin me vdekje. ”Kirk ishte një njeri i mirë dhe nuk e meritoi këtë që ndodhi. E kisha si djalin tim”, shton Trump, ndërsa nënvizon se në përpjekjet për dorëzimin e autorit në duart e policisë është përfshirë edhe vetë babai i agresorit.
Komentet e presidentit erdhën pas publikimit të videos së arratisjes së autorit nga skena e ngjarjes nga FBI dhe zyrtarët në Jutah. Policia publikoi dhe imazhet e agresorit që kishte veshur një bluze të zezë dhe flamurin amerikan në të. Ka raportime për mesazhe pro transgjinorëve të transmetuara nga autori.