Aktori i humorit Rezart Veleshnja vijon t’i kërkojë Ermal Mamaqit paratë për rolin e tij si faturino në filmin “2 Gisht Mjaltë”, ndonëse artikulohet gjithnjë me nota humori.
Nëpër intervista të ndryshme televizive Veleshnja është shprehur se është paguar vetëm 200 euro. Ndërsa në një video të publikuar pak më parë në “Insta Story”, ku shihet në një event së bashku me Ermalin, i drejtohet këtij të fundit që t’i japë paratë që ia ka borxh.
“Më ke 8800 euro borxh, se 200 m’i dhe; 9000 euro ishte roli im. Ermal, të falenderoj!”-dëgjohet të thotë Veleshnja, ndërkohë që Ermali shihet i qeshur e deri diku edhe i sikletosur.
E teksa humori i këtij të fundit të bën të mendosh se Ermali nuk e ka paguar plotësisht për rolin në film, “2 Gisht Mjaltë” duhet thënë se po korr mjaft sukses nëpër kinematë shqiptare, kosovare e maqedonase.