Gjykata e Shkallës së Parë Gjirokastër ka gjykuar të drejte arrestimin e Isi Pashos, Kristian Priftt dhe Pajtim Bakes ky i fundit punonjës policie dhe njëkohësisht njerku i 16-vjeçares S.K. nga Këlcyra e cila dyshohet se është abuzuar seksualisht për tre vite rresht.
Fillimisht ka qenë prokurorja Denisa Plaku ajo qe ka paraqitur provat e deritashme të ofruara nga OPGJ dhe AMP për personat e arrestuar duke shtjelluar dhe argumentuar rolin e të tre personave në këtë ngjarje. Në bazë të dëshmive të dhëna në polici dhe në bazë të komunikimeve në celular mes të miturës dhe personave të përfshirë në këtë ngjarje sidomos me Artur Ago polic i arratisur fill pas plasjes se këtij skandali, behet e qarte se personat që janë arrestuar kanë konsumuar veprat penale të ngacmimit seksual me të mitur dhe kanosje.
Nga ana tjetër, avokatet mbrojtës të tre te pandehurve, kërkuan masë më të lehte për klientët e tyre pasi nuk përbejnë rrezikshmëri të lartë shoqërore. Pas gjithë pretendimeve të avokateve mbrojtës, në fund gjykatësja e çështjet Nertila Perralla ka vendosur arrest në burg për Isi Pashon, Kristian Priftin dhe njerkun e 16-vjeçares policin Pajtim Baka, ndërkohe që e njëjta masë është dhënë në mungesë edhe për Artur Agon.