Aktori i humorit Gaz Paja kurorëzon sot në martesë dashurinë e tij me bukuroshen Ira Seferi. Ceremonia e dasmës zhvillohet në një prej hoteleve luksoze të kryeqytetit dhe do të ketë 300 të ftuar.
Edhe pse artisti është përpjekur që t’i mbajë deri diku diskrete detajet e ceremonisë luksoze me shumë personazhe të famshëm të të gjitha fushave, “Panorama Plus” ka zbuluar se do të jetë një mbrëmje e gjatë që do t’i ngjasojë një koncerti, pasi në dasmën e Gazit do të performojnë disa këngëtarë.
Nuk dihet nëse Gazi do të postojë video live apo “Story” në “Instagram” nga ceremonia, edhe pse këtë nuk e bëri as me festën e beqarisë.
Lexo edhe- Festa e beqarisë, nusja e Gaz Pajës si një kukull
Ndërkohë që, partnerja e tij Ira postoi në “Instagram” disa albume me foto nga festa e beqarisë në bregdet, Gazi preferoi ta “ngrijë” “Instagram”-in këto ditë para dasmës, duke e konsideruar këtë si një moment të rëndësishëm për të cilin duhet ruajtur privatësia. Aktori i njohur i spektaklit të humorit “Portokalli”, vendos t’i japë fund beqarisë në moshën 41- vjeçare.