Në Vlorë ka nisur tanimë sezoni i plazhit. me ngritjen e temperaturave qytetarët e saj, por edhe pushuesit vendas e të huaj i janë drejtuar bregdetit këtë fundjavë për të marrë prej atje rrezet e para të kësaj vere.
Me hyrjen e muajit qershor ka nisur edhe plazhi në qytetin e Vlorës. temperaturat e ngrohta dhe moti me diell kanë bërë që pushuesit të gjejnë mundësinë për të shijuar bregdetin e jugut. Jo vetëm vendas, por edhe turistë nga Kosova, Italia, apo edhe Rusia kanë zgjedhur që këtë fillim qershori të nisin zyrtarisht pushimet në Vlorë.
Pushuesit pavarësisht numrit ende të pakët të tyre, duket se janë plotësisht të kënaqur me Vlorën.
“Deti është shumë i bukur, është akoma në zhvillim, ka ndryshuar shumë që prej vitit 2006, që kam qenë për herë të fundit”
Vlora mbetet një nga alternativat më të preferuara për turistët vendas për bregdetin e pastër që ofron, por edhe për plazhet e shumta.