Brikena Selmani vijon që të marrë vëmendje në ”Miss Grand International”, ku po përfaqëson Kosovën. Në raundin e dytë të këtij kompeticioni prestigjioz, ajo jo vetëm që shkëlqeu si gjithmonë, por solli diçka krejt të veçantë: një model modern të veshjes tradicionale shqiptare, që ndërthur hijeshinë, identitetin dhe fuqinë femërore.
Ky homazh i kuruar deri në detaje ndaj kulturës dhe trashëgimisë sonë kombëtare u bë një nga paraqitjet më të veçanta të mbrëmjes. Brikena arriti ta risjellë kostumin tradicional në një formë bashkëkohore, pa humbur thelbin dhe shpirtin e tij.
Kombinimi i finesës natyrore me elegancën e këtij interpretimi të ri të veshjes tradicionale bëri që Brikena të rrëmbejë vëmendjen e të gjithëve në sallë. Me belin e saj të hollë, qëndrimin plot vetëbesim dhe përfaqësimin me dinjitet.