Ilir Meta do të vijojë që të qëndrojë në burg, pasi Gjykata e Lartë nuk ka pranuar rekursin e presdientit të Partisë së Lirisë kundër Gjykatës së Posaçme të Apelit.
Meta qëndron në qeli prej një viti, dhe i kërkoi Gjykatës së Lartë të shfuqizojë vendimet e Shkallës së Parë dhe Apelit të Posaçëm, që refuzuan lirimin e tij.
Dosja ndaj Metës dhe të bashkëpandehurve të tjerë, ku ish-presidenti akuzohet për “korrupsion”, “shpërdorim të detyrës” dhe “fshehje e mosdeklarim të pasurisë”, ndodhet në fazën e shqyrtimit paraprak në Gjykatën e Posaçme.