AIDA dhe Organizata Ndërkombëtare e Punës (ILO) nënshkruan një marrëveshje bashkëpunimi për institucionalizimin e programit SCORE – që synon rritjen e produktivitetit, konkurrueshmërisë dhe praktikave të përgjegjshme të biznesit në sektorët e tekstilit dhe këpucëve.
Që prej vitit 2023, SCORE ka mbështetur gati 30 ndërmarrje, duke përmirësuar kushtet e punës për mbi 3,700 punonjës. Bashkëpunim më i fortë në vendin e punës, standarde më të mira sigurie dhe ambiente më të pastra kanë sjellë rritje të produktivitetit dhe promovim të punës së denjë AIDA do të udhëheqë tashmë zbatimin e programit SCORE në nivel kombëtar, me mbështetjen e ILO deri në vitin 2027.
Falënderime të veçanta për Ambasadën e Suedisë në Tiranë dhe të gjithë partnerët që e bënë të mundur këtë bashkëpunim. Ky bashkëpunim është pjesë e projektit të përbashkët të OKB-së “Business Partnerships and Solutions for SDGs”, financuar nga Ambasada e Suedisë në Shqipëri dhe zbatuar nga UNDP, ILO, FAO dhe UNIDO. Së bashku po ndërtojmë ndërmarrje konkurruese, gjithëpërfshirëse dhe të qëndrueshme, në dobi të punonjësve dhe ekonomisë shqiptare.
