Lirimi i hapësirave publike, Rama poston pamjet: S’ka pushim, do të çlirohen të tëra pa përjashtim

Aksioni për prishjen e ndërtimeve pa leje dhe lirimin e hapësirave publike në Tiranë, vijon pa ndalur. Kryeministri Rama ka ndarë pasditen e sotme pamje nga aksioni, ku në videon e publikuar në rrjetet sociale shihet prishja e një subjekti pa leje. Rama thekson edhe se nuk do të ketë pushim, derisa hapësirat publike të zaptuara të çlirohen të gjitha. “S’ka pushim jo, hapësirat publike do të çlirohen të tëra, pa ndalim as përjashtim”, shkruan kryeministri.