Katy Perry tregon detaje të reja për propozimin për martesë që i kishte bërë Orlando Bloom që në ditën e Shën Valentinit.
“Ishte Shën Valentini dhe unë duhet të punoja atë ditë. Ne e kishim lënë të takoheshim për darkë në një restorant italian ku unë doja thjesht të haja shumë pasta. Kur unë arrita e pashë atë [Orlando Bloom] që ishte veshur shumë bukur, madje nuk kishte veshur as atlete”.
“Thashë me vete ‘po ndodh diçka’. Ne e bëmë porosinë derisa unë po mendoja ‘kush është ky person?’”, i ka treguar 34 vjeçarja Roman Kemp në emisionin e tij në radio “Capital Breakfast me Roman Kemp”.
Perry ishte e buzëqeshur dhe ndihej e lumtur derisa po tregonte më shumë detaje për këtë ditë të veçantë në jetën e saj.
“Ne hypëm në një helikopter dhe ai më kërkoi që të martohesha me të. Më pas, helikopteri ateroi në një ndërtesë derisa kur zbritëm shkallët familja dhe miqtë e mi ishin të gjithë aty …aty kishte aq shumë lule sa nuk kisha parë kurrë në jetën time”.
“Është sikur ato befasitë që Kanye i bën për Kim dhe ti thjesht mbetesh pa fjalë. Unë thashë ‘o Zot’. Megjithatë ishte e mrekullueshme. Ai është i mrekullueshëm. Unë e dua atë jashtëzakonisht shumë”.
Ndjekësit e kanë kuptuar për fejesën e çiftit në muajin shkurt kur këngëtarja kishte postuar një fotografi të saj dhe Bloom në Instagram ku shihej edhe unaza me gur diamanti.