Në Ditën e Alfabetit, kryeministri Edi Rama ftoi qytetarët të njohin shtegun natyror “Udha e Shkronjave”, duke ndarë në rrjetet sociale momente nga ky itinerar i veçantë. Shtegu është inspiruar nga filmi artistik shqiptar me të njëjtin emër, i cili trajton figurën e mësuesit patriot Dhaskal Todri.
Pamjet e publikuara nga kryeministri tregojnë peizazhe të mrekullueshme natyrore përgjatë rrugës, duke përfshirë pyjet me pishë të zezë dhe dushk, si dhe monumente kulturore në Vithkuq dhe Voskopojë.
Gjatë ecjes, vizitorët mund të zbulojnë bukuritë e Parkut Natyror “Lugina e Gjergjovicës”, peizazhet e Vithkuqit dhe Voskopojës, si dhe trashëgiminë kulturore dhe natyrore që e bën këtë rrugëtim të veçantë.
“Si një rrugëtim prej rreth 15.7 km i një vështirësie mesatare për të gjithë pasionantët e natyrës, do t’ju njohë me Parkun Natyror “Lugina e Gjergjovicës”, monumente kulturore, peizazhet e bukura të Vithkuqit dhe Voskopojës, apo pyjet e pasura me Pishë të zezë, ah dhe dushk” shkroi Rama.