Ka nisur ”Foltorja Parlamentare” e PD përpara Kryeministrisë, aty ku demokratët do të denoncojnë çdo javë keqqeverisjen e vendit. Priten që të mbahen fjalime siç ndodhi edhe në javën e parë. Në bulevardin para Kryeministrisë janë mbledhur mbështetës të pakët, njëjtë si javën e kaluar.
Kreu i PD-së, Sali Berisha pritet t’u bashkohet militantëve nga banesa, ndërsa në foltore vjen pas vizitës së tij nga Brazili, ku u ankua se Europa nuk i merr parasysh ankesat e tyre.
“Foltorja 2” sipas Sali Berishës vjen si përgjigje e bllokimit të hapësirës së opozitës në parlament. Mazhoranca sipas tyre po pengon zërin opozitar të cilin PD ka vendosur ta ngrejë fort në tribunën para Kryeministrisë.