Më datë 28.11.2025, në Elbasan është regjistruar një konflikt mes shtetasve B. B., E. C., Xh. B. dhe Sh. B., gjatë të cilit dyshohet se është qëlluar me armë zjarri drejt banesës në pronësi të shtetasit F. P., ku jeton shtetasi E. C. Pavarësisht ngjarjes, E. C. nuk ka kryer kallëzim në polici.
Ndërkohë, sipas hetimeve paraprake, shtetasi D. K. dyshohet se ka fshirë pamjet e kamerave të sigurisë së banesës së tij, e cila ndodhet pranë vendit të konfliktit, duke penguar zbulimin e së vërtetës.
Policia ka shpallur në kërkim shtetasit Xh. B. dhe Sh. B., ndërsa vijojnë hetimet për sqarimin e plotë të rrethanave të ngjarjes.