Deputeti i PS-së, Erion Malaj i është përgjigjur Agron Shehaj i cili nxori në Kuvendin e Shqipërisë një listë me zyrtarë që janë nën hetim nga SPAK dhe kërkoi që ata të largohen nga detyra.
Malaj i tha Shehajt se s’mund të vijë të japë leksione për individë që janë në hetim ose të pandehur, duke shtuar se PS nuk ndërhyn në çështje gjyqësore. Ligjvënësi socialist tha se nuk i bëjnë gjyqin publik askujt, dhe as nuk merren me gojëdhëna, por presin vendime gjyqësore.
“Ti e di se cfarë do të thotë i pandehur? Si del aty dhe na nxjerr foto dhe na bën vendos gjysmën e Shqipërisë, me çfarë etike dhe morali na bën etikë e moral. Po na kërkon të ndërhyjmë në çështje gjyqësore, t’i bëjmë gjyq publik njerëzve, ne presim vendime gjyqësore dhe nuk merremi me analiza dhe gojëdhëna. Na kërkoni llogari për çështje në hetim, ne nuk ndërhyjmë tek këto dhe s’do ndërhyjmë kurrë”, tha Malaj.