Me ndryshimin e stinëve një nga problemet kryesore që përballen shumica e njerëzve është helmimi nga ushqimet. Së fundmi një qendër e rëndësishme me bazë në SHBA ka bërë një studim për helmimin nga ushqimet duke zbuluar se ushqimi nga i cili ka më shumë shanse të helmoheni, e madje mund të humbni jetën është pula.
Mund të jetë ushqimi i preferuar i shumë prej jush, por sipas studimit në fjalë 12% e helmimeve vijnë nga ajo. Për të gjithë ju që e keni në listën e ushqimeve të preferuara duhet të tregoni kujdes dhe të mos konsumoni asnjëherë pulë që nuk është e pjekur mirë, pasi është burimi kryesor për të marrë bakterin e rrezikshëm salmonela.
Duhet të tregoni shumë kujdes edhe gjatë gatimit të pulës dhe larjes së saj, pasi problemet nisin aty.