Një vit i keq në aspektin financiar ka qenë 2018 për familjen e deputetit Nard Ndoka që është edhe kryetar i Partisë Demokristiane të Shqipërisë. Ai deklaron një depozitë në shumën 2.209.100 lekë, shtuar me 31.921 lekë për vitin 2018, shkruan
tirananews.al.
Po ashtu Ndoka deklaron pakësim llogarie me vlerë 849 euro, 131.832 lekë, shtim llogarie në shumën 582.768 lekë, shtim i llogarisë me shumën 50.000 lekë. Gjithashtu Nard Ndoka deklaron të ardhura neto nga paga si deputet në shumën 2.956.323 lekë, të ardhura të përfituara nga interesat e bonove të thesarit në shumën 2.106.699 lekë dhe të ardhura neto të përfituara nga bashkëshortja nga puna si specialiste në Ministrinë e Bujqësisë në shumën 670.776 lekë. gjithashtu në 2018 Nard Ndoka ka arritur të mbyllë një kredi para kohe për të cilën në 2018 ka shlyer shumën 866.252 lekë.
Nga ana tjetër për familjen e Nard Ndokës gjerat nuk kanë ecur aq mirë, pasi djemtë e tij janë detyruar të mbyllin një biznes që e zotëronin prej vitesh për shkak të falimentimit. Pasi kanë mbyllur biznesin ata janë detyruar të largohen edhe nga Shqipëria dhe ti bashkohen vëllait tjetër në Maltë ku tashmë punojnë si kamarier dhe banakier. Ndoka deklaron se dy prej djemve të tij paguhen nga 800 deri në 900 euro për punën që bëjnë në hotelet e Maltës. / tirananews.al
