Kryeministri Edi Rama ka publikuar pamjet nga transformimi, që po i bëhet Spitalit Onkologjik në Tiranë.
Në postimin e tij në rrjetet sociale, Rama shprehet se transformimi i Onkologjikut vazhdon, nën kujdesin e ministres së Shëndetësisë, Evis Sala.
“Mirëmëngjes. Me transformimin e Onkologjikut që vazhdon, nën kujdesin e ministres së Shëndetësisë, e cila është një personalitet i njohur në botën akademike të trajtimit të kancerit, ju uroj një javë të mbarë”, shkruan Rama.
Edhe ministrja Sala premton transformin e plotë të Onkologjikut.
“Kjo që po bëj është një gjë personale për mua. Unë jam mjeke e kam nisur në Spitalin Onkologjik punën time. Kështu që është një sfidë e imja profesionale”, tha ministrja.