Në konferencën për shtyp, Sali Berisha foli edhe për atë që po ndodh aktualisht në PD. La të kuptohet se ish-deputeti Ervin Salianji, është vetëpërjashtuar nga radhët e kësaj force politike.
”Në gjithë karrierën time politike dhe në ditët më të vështira, kurrë nuk kam bërë dhe nuk bëj kompromis me krimin. Nëse e ndjek këtë betejë, pavarësisht nga çmimi që ka patur, kam bindjen më të thellë se ka qenë dhe është vendimi mëi drejtë. Vija e kuqe e Sali Berishës, është ndarëse nga bashkëpunimi me krimin.
Që një anëtar i korruptuar i Kryesisë dhe anëtar i Këshillit Kombëtar të organizojë me kriminelin më të rrezikshëm të Elbasanit takim, kjo është absolutisht e papranueshme dhe kurrë nuk mund të kalojë. Në këtë kontekst, ai që merr një veprim të tillë, tejkalon vijën e kuqe dhe është përgjegjës për veten e tij! Sa i pëket takimit, kemi pasur informacione që pohojnë se Suel Çela ka qenë organizator në hije i takimit”,-tha Berisha.