Deputetët e opozitës janë bërë shkak për pengimin e zhvillimit të seancës plenare këtë të enjte.
Ata janë pozicionuar në vendet e ministrave, duke mos liruar karriget, e për rrjedhojë duke mos lejuar as zhvillimin e seancës.
Në një moment, deputeti Belind Këlliçi ndezi edhe flakadanë, ndërsa deputetë të tjerë hodhën edhe shishe me ujë në drejtim të kreut të Kuvendit Niko Peleshi.
Për këtë situatë të rënë, ka reaguar edhe kreu i grupit parlamentar të PS Taulant Balla.
Në një postim në rrjetin social Facebook, ai shkruan: “O zot fali se nuk dinë çfarë bëjnë! Populli e di se pse bufi i lodhur plak i organizon gjithmonë rrëmujat. Ka gjithmonë hallin e vet”.
Për shkak të incidentit të krijuar në sallë, Niko Peleshi përjashtoi nga seanca deputetin Klevis Balliu.