17 segmente rrugore në Bashkinë e Matit janë asfaltuar këtë vit.
Pas ndërprerjes së përkohshme për shkak të kushteve të pafavorshme atmosferike, kanë rinisur punimet për përfundimin e asfaltimit të aksit rrugor Urakë-Bruç në Njësinë Administrative Rukaj.
“Bashkia Mat mbetet e angazhuar për përmirësimin e infrastrukturës rrugore, për të lehtësuar qarkullimin e banorëve të kësaj zone. Punimet do të vijojnë me intensitet deri në finalizimin e projektit më të rëndësishëm të këtij viti për asfaltimin e 17 rrugëve rurale në Mat” bënë me dije zyrtarë të Bashkisë së Matit.
Të tjera segmente rrugore janë planifikuar të asfaltohen gjatë vitit 2026.