Me 30 vota pro, 12 kundër dhe 1 abstenim, Këshilli Bashkiak i Shkodrës i ka dhënë dritën jeshile miratimit të buxhetit të Bashkisë Shkodër për vitin 2026, në vlerën prej 3.4 miliardë lekësh.
Kryetari i Bashkisë Shkodër, Benet Beci u shpreh se buxheti i miratuar garanton vazhdimësinë e investimeve dhe shërbimeve për qytetarët në të gjithë territorin e bashkisë, nga Velipoja deri në Theth. Beci ftoi këshilltarët e majtë dhe të djathtë që të bashkohen për Shkodrën përtej ndarjeve politike.
Buxheti për vitin 2026 është rreth 15 për qind më i lartë krahasuar me një vit më parë. Investimet e planifikuara parashikohet të jenë, me fokus kryesor në infrastrukturë, projektet me mbështetje qeveritare, bashkëpunimin me donatorët e huaj, si dhe mbështetjen për shtresat sociale.