Një ngjarje e rëndë ka ndodhur ditën e Krishtlindjes, ku një 42-vjeçar ka ndërruar jetë pas një loje futbolli në një kalçeto në Novoselë të Vlorës, pasi kishte marrë një goditje me top në kraharor.
42-vjeçari jetonte dhe punonte në Gjermani dhe kishte ardhur për festat e fundvitit në vendlindje.
“Po këta specialistë referuan materiale për vlerësim, pasi më datë 25.12.2025, në kalçeton e fshatit Novoselë, shtetasi B. R., 42 vjeç, banues në Vlorë, rezident në shtetin e Gjermanisë, gjatë një loje futbolli, pasi topi e ka goditur në pjesën e kraharorit, është rrëzuar dhe gjatë transportit për në spitalin e Vlorës ka ndërruar jetë. Nga veprimet e para hetimore dyshohet se ky shtetas ka pësuar atak kardiak.”, bën me dije Policia.