Përfaqësuesja demokrate e SHBA-së, Joyce Beatty ka ngritur një padi duke kërkuar heqjen e emrit të presidentit amerikan, Donald Trump nga Qendra për Artet Performuese John F. Kennedy.
Javën e kaluar, bordi i Qendrës Kennedy votoi për ta riemëruar qendrën e arteve në Qendrën Trump-Kennedy.
Beatty pretendoi në padinë e saj se riemërtimi ishte i paligjshëm. Sipas saj ndryshimi i emrit të qendës kërkon një akt të Kongresit.
Të premten, emri i presidentit u shtua në pjesën e jashtme të ndërtesës dhe logoja e faqes së internetit të qendrës tani shkruan “Qendra Trump Kennedy”.
Ndryshimi i emrit është pritur me kritika të ashpra, veçanërisht në Uashington DC, ku qendra ka qenë një pikë referimi ikonike që kur u ndërtua dhe u emërua për nder të Kennedyt.