Ministri i Mbrojtjes, Pirro Vengu ka njoftuar se që prej ditës së djeshme ka nisur kompensimi për dëmet nga zjarret në periudhën 15 qershor – 15 shtator 2025.
Sipas postimit në rrjetet sociale, fondi i vendosur në dispozicion për 10 bashki është 191.5 milionë lekë. Kompensimi ka ardhur pas përfundimit të fazës së vlerësimit dhe verifikimit të plotë të dëmëve.
Postimi i plotë:
191.5 milionë lekë të vendosura në dispozicion për 10 bashki
Qe nga dje ka nisur kompensimi për dëmet nga zjarret në periudhën 15 Qershor – 15 Shtator 2025, nga Agjencia Kombëtare e Mbrojtjes Civile drejt bashkive, pas përfundimit të vlerësimit dhe verifikimit të plotë.