Boksieri shqiptar Florian Marku ka deklaruar se do të rikthehet sërish në ring pas peripecive në vitet e fundit.
34-vjeçari shkruan në rrjetet sociale se “shumë gjëra kanë ndodhur në jetën time këto 2 vite, por dalë ngadalë do të rikthehem në ring. Dasht Zoti. Si kurrë më parë”.
Në mars të vitit 2024, Florian Marku pësoi humbjen e parë në karrierë në boksin profesionist kundër Chris Congo-s. Nga ai moment ai iu nënshtrua një ndërhyrje kirurgjikale për shkak të një dëmtimi nga i cili vuante prej kohësh, ndërsa më pas pati probleme edhe me drejtësinë.
Në fillim të 2025 ai u arrestua në Londër dhe u transferua për të kryer disa muaj burg në Greqi për shkak të një sherri të disa viteve më parë ku akuzohet për “plagosje’ dhe armëmbajtje pa leje“.