Ambasadori i BE-së në Tiranë, Silvio Gonzato ishte i pranishëm këtë të mërkurë në prezantiminm e 14 shërbimeve të programit “Fondi Social 2026 – Garanci për Qëndrueshmërinë e Shërbimeve për Mirëqenien e Qytetarëve”.
Në fjalën e tij, Gonzato theksoi rëndësinë e mbrojtjes sociale në të gjitha aspektet, si një ndër elementët thelbësore edhe të traktatit themelues të Bashkimit Europian.
Sipas ambasadorit, vendi duhet të punojë për të pasur më shumë sisteme efektive të mbrojtjes sociale dhe vënien në qendër të qytetarëve.
“Ka një gjë në protokollin shqiptar, që personi më i rëndësishëm flet i fundit. Kështu që ju kërkoj ndjesë zoti kryeministër që do të na dëgjoni të gjithëve. Nëse do ta përmblidhja me një fjali të vetme, do të thoja se mirëqenia sociale është vetë forca e një kombi dhe kjo është një çështje që ka qenë në thelb të BE-së që prej fillimit. Prandaj në traktatin e BE-së, në një nga nenet kryesore thuhet që BE merr parasysh merr parasysh programet e mbrojtjes sociale dhe shëndetin publik. I kemi promovuar këto shërbime. Udhëheqja në nivel vendor është shumë e rëndësishme për të pasur një mbrojtje sociale efektive dhe gjithpërfshirëse. Fondi Social europian është po aq i vjetër në mosh sa vetë BE-ja. Punojmë për të pasur sisteme efektive dhe për të vënë në qendër qytetarët, duke mbështetur edhe financimin e qëndrueshëm. Anëtarësimi në BE nuk është thjesht për kriteret ekonomike, por do të thotë të krijosh një shoqëri në të cilën askush nuk mbetet pas”,-tha Gonzato.