Lara Kolturi ka shkëlqyer në Lojërat Olimpike Dimërore, sa i përket raundit të parë të slalomit gjigant për vajza. Skiatorja italiane që përfaqëson Shqipërinë u ndal në kohën 1:03:97 duke u pozicionuar e katërta.
Kolturi mund të ishte e dyta pas Federika Brinjones, nëse Lena Duer dhe Sofia Gogia nuk do kishin surprizuar me kohët e tyre.
Kjo ishte zbritja e parë ku edhe Semire Dauti që përfaqëson Shqipërinë kaloi në finale. Kjo e fundit regjistroi kohën 1:10:95 duke u pozicionuar në vendin 51. Jashtë doli Kiana Kryeziu e Kosovës, që nuk ia doli të kualifikohet më tej në “Milano Cortina 2026”. Synimi në zbritjen e dytë është sigurimi i medaljes historike nga Kolturi, që do të ishte një mrekulli.