Mbi 103 mijë palë veshje të dyshuara si të falsifikuara janë bllokuar nga autoritetet doganore.
Gjatë kontrollit të ushtruar nga autoritetet doganore në Durrës në kuadër të masave për mbrojtjen e pronësisë intelektuale, u konstatuan sasi të konsiderueshme mallrash që mbanin marka të njohura ndërkombëtare, si Adidas, Nike, Gucci, Dior, Hugo Boss dhe Calvin Klein, si edhe bluza sportive të ekipeve të njohura europiane.
Drejtoria Përgjithshme e Doganave ka nisur procedurat përkatëse ligjore për verifikimin dhe trajtimin e mëtejshëm të rastit.
Drejtoria e Përgjithshme e Doganave rithekson angazhimin për tolerancë zero ndaj çdo subjekti që cenon të drejtat e pronësisë intelektuale dhe shkel dispozitat e Kodit Doganor, duke theksuar se kontrollet e imtësishme do të vijojnë, veçanërisht ndaj subjekteve të identifikuara me risk.
“Drejtoria e Përgjithshme e Doganave rithekson angazhimin për tolerancë zero ndaj çdo subjekti që cenon pronësinë intelektuale dhe shkel Kodin Doganor, duke vijuar kontrollet e imtësishme ndaj subjekteve me risk”, thuhet në një njoftim të “Doganave”.