Unë kam dalë kam pion dhe nuk më jepet mundësia të marr lojtarët që dua! OK, faleminderit, këtu ndahemi”. Skënder Gega nuk mund të shkelte mbi parimet e tij dhe vendosi të mbante të njëjtin standard me drejtuesit e Partizanit.
Krisjet për merkaton nisën që në janar, aty ku pati hyrje-dalje pa dijeninë e vetë trajnerit. Mirëpo, një vizitë e Olsi Ramës gjatë kohës kur Partizani ndodhej i grumbulluar në Turqi dhe biseda disa orë më të për çështjen e merkatos e zbuti trajnerin.
Ky i fundit rinovoi kontratën dhe vijoji punën i qetë, paçka se kishte shumë mendime ndryshe me drejtorin sportiv. Në një kohë që rezultatet pozitive fshehën problemet dhe për më tepër Partizani u shpall kampion, kulmi arriti pas përfundimit të sezonit. “Panorama Sport” zbulon nga burime të sigurta në klubin e kuq se Gega e kishte ndarë mendjen që nuk mund të pranonte situata si në merkaton e janarit, ku u afruan disa lojtarë pa miratimin e tij.