Deputeti demokrat Tritan Shehu ka shprehur shqetësim në nisje të seancës plenare për njoftimin e dhënë një ditë më parë nga ambasada amerikane se grupe të lidhura me Iranin mund të shënjestrojnë edhe në Shqipëri subjekte të lidhura me Shtetet e Bashkuara.
Sipas Shehut, do duhej të ishte qeveria shqiptare ajo e cila të ngrinte alarmin dhe të bëjë me dije për qytetarët shqiptarë masat që po merren.
Gjithashtu edhe kreu i Partisë Republikane, Fatmir Mediu, ka kërkuar që Presidenti të mbledh Këshillin e Sigurisë Kombëtare pas njoftimit që Ambasada Amerikane në Tiranë dha për sulme të mundshme nga grupe iraniane në vende të zakonshme, të tilla si vende turistike, qendra tregtare, hotele, klube dhe restorante.
Por, ministri i Jashtëm, Ferit Hoxha theksoi se Shqipëria nuk rrezikohet.
“E vlerësoj shqetësimin e zotit Shehu. Dua të siguroj deputetin Shehu dhe gjithkënd, ne i ndjekim me vëmendje deklaratat dhe të gjitha zhvillimet. Nuk ka asnjë arsye për të qenë të alarmuar. Situata e sigurisë është e sigurisë. Duhet t’i qëndrojmë reagimet që ka pasur zyrtar e shtypit në Kryeministri. Të gjitha ministritë do të reagojnë.”, tha ai.