Shqipëria nuk duhet të jetë vendi i shpresave të thyera, ku varfëria ndrydh ëndrrat e brezit të ri është mesazhi i kreut të shtetit Ilir Meta në ceremoninë e dekorimit më të lartë për qëllime humanitare, “Nënë Tereza” dhënë për fshatin e fëmijëve “SOS”.
Për 23 vjet, “SOS Fshatrat e Fëmijëve Shqipëri”, kanë qenë shtëpia e dashur, e ngrohtë dhe e sigurt për shumë vogëlushë pa kujdes prindëror, të cilët janë rritur, edukuar dhe tashmë i kanë dalë për zot jetës së tyre, shpesh duke u shndërruar në modele frymëzimi për fëmijët e tjerë, thotë Meta në mesazhin e tij në Facebook.
“Shqipëria nuk duhet të jetë vendi i shpresave të thyera, ku shkelen të drejtat bazike të fëmijëve dhe ku varfëria ndrydh ëndrrat e brezit të ri. “SOS Fshatrat e Fëmijëve Shqipëri”, burim frymëzimi dhe shembull i solidaritetit, humanizmit, përkujdesjes dhe dashurisë prindërore për këta fëmijë të mrekullueshëm”, shprehet kreu i shtetit.