Një ngjarje e rëndë ka ndodhur në zonën e Lungomares në Vlorë, ku një qen i racës pitbull ka kafshuar një vajzë katërvjeçare.
Raportohet se e mitura ka qenë duke shëtitur në zonë me gjyshen e saj në momentin kur është sulmuar dhe ka pësuar dëmtime në pjesën e kokës. Ajo është transportuar menjëherë drejt Spitalit Rajonal të Vlorës, ku po merr ndihmën e nevojshme mjekësore.
Ndërkohë, qeni i cili dyshohet se ishte pa pronar, është mbajtur i lidhur dhe pritet të merret në administrim nga autoritetet policore, për t’u dërguar më pas në një qendër të posaçme për trajtimin dhe mbrojtjen e kafshëve.
Qentë endacakë, sidomos në zonën e plazhit janë një problem i vjetër i qytetit të Vlorës dhe shpesh kanë rrezikuar jetën e kalimtarëve. Por, bashkia ende nuk ka arritur ta zgjidhë.