Kadastra Shqiptare shpreh angazhim konkret për të përmirësuar shërbimet dhe për të rritur besimin tek institucionet.
Agjencia Shtetërore e Kadastrës (ASHK) ka prezantuar Planin e Integritetit, një dokument strategjik i hartuar në kuadër të Agjendës së Reformave të Shqipërisë 2024–2027, me mbështetjen e partnerëve ndërkombëtarë dhe Bashkimit Evropian.
Plani synon forcimin e standardeve të transparencës, rritjen e efikasitetit administrativ dhe garantimin e trajtimit të barabartë për qytetarët dhe subjektet që marrin shërbime nga ASHK.
Sipas njoftimit të ASHK-së, dokumenti parashikon masa të qarta për parandalimin e korrupsionit dhe konfliktit të interesit, si dhe përmirësimin e procedurave të brendshme, me qëllim rritjen e besimit të publikut tek institucionet shtetërore.
Zbatimi i këtij plani konsiderohet një hap i rëndësishëm në procesin e modernizimit të shërbimeve kadastrale dhe përafrimit me standardet evropiane të administratës publike.
Plani integritetit mbështetet në katër shtylla kryesore: kontroll i brendshëm; përgjegjësi institucionale; efikasitet në shërbim dhe transparencë.
“Përmbajtja e dokumentit është përgjegjësi e Agjencisë Shtetërore të Kadastrës dhe reflekton angazhimet kombëtare në kuadër të procesit të integrimit evropian, me mbështetjen e Bashkimit Evropian, thekson njoftimi i ASHK-së.