Drejtoresha e Përgjithshme e Agjencisë së Prokurimit Publik Reida Kashta në një konferencë për Kapitullin 5, në procesin e integrimit të Shqipërisë në BE ka deklaruar se, ka patur një përgatitje në një nivel të mirë sa i përket fushës së Prokurimeve Publike.
Kashta tha se BE-ja është shprehur pa rezerva se sistemi i Prokurimeve Publike është gati të bëhet pjesë e marrëveshjes ndërqeveritare me Organizatat Botërore të Tregtisë.
“Prokurimi Publik është kapitull i posaçëm për procesin e integrimit Europian.
Ky kapitull ka një rol të rëndësishëm dhe na ngarkon me përgjegjësi. Po zhvillojmë negociata në dy drejtime. Prokurimi Publik ishte një ndër kapitujt e parë që u hap dhe nuk morëm kushte të ndërmjetme për hapjen por ka vetëm kushte mbyllëse. Ka patur një nivel përgatitje të mirë. Kjo është një nga sfidat tona.
BE është shpehur pa rezerva se sistemi i prokurimeve publike është gati të bëhet pjesë e marrëveshjes ndërqeveritare me Organizatat Botërore të Tregtsisë”, tha Kashta.