Kryebashkiaku Vangjush Dako ka treguar mënyrën se si e ka njohur Astrit Avdylin.
I ftuar në emisionin “Opinion”, në lidhje me përgjimet e publikuara nga Bild, dako tregoi se Avdylaj është simpatizant i PS-së.
“Nuk e kam njohur kurrë Astrit Avdylajn, e kam fjalën fizikisht. Deri në vitin 2016 nuk e kam njohur ndonjëherë fizikisht. Pas vitit 2016 e kam njohur siç njoh shumë njerëz në atë qytet. E di që ka qenë i dënuar. Është simpatizant i shpallur për të mbështetur Partinë Socialiste. Astrit Avdyli ka qenë mbështetës për të fituar Partia Socialiste. Unë di historinë e çdo qytetari të Durrësit,”– deklaroi kryetari i Bashkisë së Durrësit, Vangjush Dako.
Kryebashkiaku Dako është i ftuar në emision pas përgjimeve të publikuara nga media gjermane Bild.
Një ditë më parë prestigjiozia gjermane “Bild” ka publikuar audiopërgjime të reja lidhur me të ashtuquajturën “Dosja 339/1″një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë.Në përgjime dëgjohet Astrit Abdylaj, i cili përfshihet vetë në fushatën elektorale të PS.
Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi. Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.