Pas raportimeve në media për heqjen e statusit “non grata” ndaj liderit të opozitës Sali Berisha, Ambasada e Shteteve të Bashkuara në Tiranë nuk ka preferuar të komentojë ndryshimin e statusit të kreut të PD.
Të pyetur në lidhje me këto pretendime, Ambasada nuk jep asnjë koment dhe e referon çështjen te Departamenti Amerikan i Shtetit.
Deri tani, DASH nuk ka bërë publik asnjë vendim të ri zyrtar që konfirmon ndryshimin e masës së mëparshme të vendosur ndaj Berishës dhe familjes së tij.