Një tjetër ish-banore e Big Brother VIP Albania po e provon veten në tregun muzikor.
Bëhet fjalë për Brikenën, e cila krahas angazhimit të saj të rregullt në panelin e Top Arena, ka kaluar kohë edhe në studiot e regjistrimit.
Ajo tashmë ka përfunduar këngën e saj të parë, e cila është realizuar nga Adioni, ish-konkurrenti i Ferma VIP.
Sipas raportimeve, Brikena po e merr mjaft seriozisht këtë projekt dhe ka planifikuar ta sjellë atë të vizualizuar edhe me një videoklip.
Gjatë programit “Të guximshmit”, ajo zbuloi se premierën e këngës do ta bëjë pikërisht në Top Arena, një detaj interesant ky, duke qenë se aty gjendet çdo natë edhe ish-partneri i saj, Mateo.
Mbetet për t’u parë se si do të pritet debutimi i saj i parë në muzikë.