Një vatër e madhe zjarri ka përfshirë mesditën e kësaj të mërkurë zonën pranë fushës së grumbullimit të mbetjeve pranë Inceneratorit të Elbasanit.
Siç raportohet, flakët kanë nisur fillimisht afër masivit me shkurre, ferra dhe bimësi të kësaj zonë, për t’u përhapur më pas një sipërfaqe të gjerë.
Zjarri ka krijuar shtëllunga të mëdha tymi, që janë të dukshme nga distanca të largëta.
Banorët e zonës raportojnë se tymi është përhapur në disa lagje të qytetit, duke sjellë shqetësime për cilësinë e ajrit dhe ndikimin në shëndetin e qytetarëve, veçanërisht të fëmijëve, të moshuarve dhe personave me probleme respiratore.