Dy persona janë vrarë në jug të Libanit, sipas Agjencisë së Mbrojtjes Civile të vendit, në një incident që ka rikthyer tensionet në rajon, pavarësisht raportimeve për një periudhë tre-ditore qetësie.
Ushtria izraelite deklaroi se forcat e saj kanë goditur persona të armatosur, të cilët sipas saj përbënin një rrezik të menjëhershëm për trupat izraelite të dislokuara në zonë.
Ndërkohë, Hezbollah ka akuzuar Izraelin se ka qëlluar ndaj civilëve në jug të Libanit, duke e cilësuar ngjarjen si një shkelje të rëndë të marrëveshjes së armëpushimit.
Incidenti vjen në një moment të ndjeshëm për sigurinë në kufirin mes Izraelit dhe Libanit, ku tensionet mbeten të larta pavarësisht përpjekjeve për ruajtjen e qetësisë.