Deputetja e Partisë Socialiste, Elisa Spiropali, ka dhënë një prononcim për mediat teksa hynte në ambientet e Kuvendit, në një kohë kur jashtë Parlamentit po zhvillohej protesta e opozitës.
Spiropali bëri thirrje për reflektim nga të gjitha palët politike, duke theksuar se fokusi duhet të jetë te zgjidhja e problemeve të qytetarëve dhe jo te përplasjet politike.
“Duhet të reflektojmë, të dëgjojmë dhe të ofrojmë zgjidhje. Nuk duhet të merremi me protestuesit, por duhet të merremi me veten. Kuvendi duhet të përdoret për të folur për njerëzit, për shqetësimet e tyre dhe për të ofruar zgjidhje. Secila forcë politike dhe secili krah duhet të bëjë analizën e vetes”, u shpreh Spiropali.