Gjykata e Apelit ka dënuar këtë të enjte, 2 korrik, me 17 vite burg Erjon Llapushin, i akuzuar për vrasje me dashje.
Sipas vendimit, Llapushi goditi me grusht dhe i shkaktoi vdekjen kamarierit Gazment Kurmaku, ngjarje që çoi në humbjen e jetës së tij.
Prokuroria e kishte kualifikuar veprën penale si vrasje me dashje dhe kishte kërkuar dënimin me 20 vite heqje lirie.
Ngjarja ka ndodhur më 2 tetor 2021, kur një konflikt mes palëve nisi për shkak të një tavoline të rezervuar në një lokal, duke përfunduar në sulmin fatal ndaj Kurmakut.
57-vjeçari, që ushtronte detyrën e kryekamarierit, ndërroi jetë në spital pesë ditë pas incidentit, pasi kishte pësuar dëmtime nga goditja me sende të forta.