Presidenti Bajram Begaj ka uruar Shtetet e Bashkuara të Amerikës me rastin e 250-vjetorit të Pavarësisë, përmes një mesazhi të publikuar në rrjetet sociale.
Në urimin e tij, kreu i shtetit i ka përcjellë përshëndetjet më të përzemërta presidentit Donald Trump dhe popullit amerikan, duke vlerësuar marrëdhëniet e ngushta mes dy vendeve.
Begaj theksoi se Shqipëria çmon thellësisht miqësinë e qëndrueshme dhe partneritetin strategjik me SHBA-në, të ndërtuar mbi vlerat e përbashkëta të lirisë, demokracisë, paqes dhe prosperitetit.
Presidenti shprehu gjithashtu mirënjohjen për mbështetjen e vazhdueshme që Shtetet e Bashkuara i kanë dhënë Shqipërisë, që nga njohja e saj si shtet e deri te reformat kryesore të realizuara gjatë 35 viteve të fundit.