Vendi ynë sot do të ndikohet nga kushte atmosferike relativisht të paqëndrueshme.
Moti parashikohet me kthjellime dhe alternime vranësirash prej orëve të mesditës e pasdite. Vranësirat prej orëve të mesditës e pasdite parashikohen të shoqërohen me reshje shiu me intensitet kryesisht të ulët në pjesën më të madhe të territorit si dhe shtrëngata të izoluara shoqëruar me shkarkesa elektrike përgjatë relieveve malore në lindje e juglindje. Pas orëve të pasdites mot kryesisht me kthjellime.
Era do të fryjë me drejtim veriperëndim-perëndim me shpejtësi 7 m/s, ndërsa valëzimi në dete i forcës 1-2 ballë.